धनगढी । जिल्ला प्रहरी कार्यालय कैलालीले गत कार्तिक १ गते अस्थाई प्रहरी पोष्ट जुगेडामा कार्यरत प्रहरीको हत्यामा संलग्न एकलाई पक्राउ गरेको छ । प्रहरी सहायक निरिक्षक गोबिन्द बिक र प्रहरी जवान राम बहादुर साँउदको हत्याको अभियोगमा एक जनालाई पक्राउ गरिएको हो । प्रहरी कार्यालय कैलालीले सुक बहादुर भन्ने अमर रानालाई पक्राउ गरेको हो । जिल्ला प्रहरी कार्यालय कैलालीका अनुसार सोमबार कार्यालयबाट खटिएको विशेष टोलीले उनलाई कैलालीको धनगढी उपमहागरपालिका–१९ फुलबारी क्षेत्रको नेपाल–भारत सिमा नजिकैबाट पक्राउ गरेको हो । अभियुक्त रानालाई आजै जिल्ला अदालतमा पेश गरिने प्रहरी कार्यालयले जनाएको छ । गत कार्तिक १ गते बिक र साउद सिमावर्ती क्षेत्रमा तस्करी नियन्त्रणका लागि खटेको बेला धारिलो हतियार प्रयोग गरि उनीहरुको हत्या भएको थियो । बिकको लाश भोलीपल्ट फेला परेको थियो भने साउँदको लाश तीन दिनपछि मात्रै मोहना नदीमा फेला परेको थियो । अभियुक्त राना केराउको तस्करी गर्ने गरेको प्रहरी अनुसन्धानबाट खुलेको छ । सोही तस्करी रोक्न खोज्दा उनको टोलीले प्रहरीको हत्या गरको जिल्ला प्रहरी कार्यालय कैलालीले जनाएको छ ।