ताप्लेजुङ । ताप्लेजुङको पाथीभरा मन्दिर क्षेत्रको सामुदायिक वनमा लागेको आगो पाथीभरा मन्दिर परिसरमा पुगेको छ । पाँच दिनअघि सुरु भएको पाथीभरा मन्दिर क्षेत्रको आगो अझैं नियन्त्रणमा आउन सकेको छैन् । मन्दिर क्षेत्रको सामुदायिक वनमा लागेको आगो अझै नियन्त्रणमा आउन नसकेको हो । फुङलिङ नगरपालिकास्थित फावाखोलामा पर्ने सिम्बु सामुदायिक वनमा विगत पाँच दिनदेखि आगलागी भइरहेको छ । आगो नियन्त्रण गर्ने प्रयास गरेपनि अहिलेसम्म सकिएको छैन् । सोमबार बिहान उक्त आगलागी पाथीभरा मन्दिर परिसरसम्म पुगेको छ । पाथीभरा क्षेत्र विकास समितिका कार्यकारी निर्देशन मनकारी काफ्लेका अनुसार सामुदायिक वनमा लागेको आगो नियन्त्रण गर्न नसक्दा मन्दिर परिसरसम्म आइपुगेको हो । हालसम्म मन्दिर भने सुरक्षित रहेको काफ्लेले बताए ।