मालीका पूर्वराष्ट्रपति इब्राहिम बौबाकर केइताको आइतबार राजधानी बामाकोमा ७६ वर्षको उमेरमा निधन भएको उनको पारिवारिक स्रोतले जनाएको छ । सन् २०१३ देखि पश्चिम अफ्रिकी मुलुकको नेतृत्व गरेका केइताले सन् २०२० मा भएको विद्रोहपछि देश निकाला नगरिएसम्म मालीको राष्ट्रपतिका रूपमा नेतृत्व सम्हालेका थिए ।    ‘राष्ट्रपति इब्राहिम बौबाकर केइताको आज बिहान ग्रीनविच समय अनुसार ९ः०० बजे निधन भएको छ,’ परिवारका एक सदस्यले एएफपीलाई जानकारी गराए । उनको मृत्युको परिवारका अन्य धेरै सदस्यहरूले सामाजिक सञ्जाललगायत विभिन्न माध्यमबाट पुष्टि गरेका छन् ।  केइताको मृत्युको कारण भने बताइएको छैन । केइतालाई सन् २०२० मा दोस्रो पाँच वर्षे कार्यकालको दुई वर्ष नपुग्दै सेनाको सहयोगमा पदबाट हटाइएको थियो ।