पशुपति धर्मशालामा पनि बतासले मिलेमतोमै टेण्डर पारेको पुष्टि
काठमाडौं । पशुपति धर्मशाला छानविन समितिले बतास समुह र पशुपति क्षेत्र विकास कोषवीच भएको सम्झौता खारेज गर्न सिफारिश गरेको छ । समितिले धर्मशालामा बतास समूहले होटल संचालन गर्ने गरी भएको सम्झौता प्रक्रिया विपरित भएको निष्कर्ष निकाल्दै खारेज गर्न सुझाएको हो । कानुनी व्यावस्थामा खरिद ऐन २०६३ को दफा ७४ को उपदफा २ अनुसार कार्यविधि नै नबनाई उक्त धर्मशाला भाडामा दिने प्रक्रिया सुरु गरिएको प्रतिवेदनमा उल्लेख छ । बोलपत्रमा राखिएका कतिपय शर्तहरु राख्नु नपर्ने खालका र प्रतिस्पर्धालाई कम गराउन केही सर्तहरु थप समेत गरिएको पाइएको छ । यसमा मिलेमतो भएको पाइएको प्रतिवेदनमा उल्लेख गरिएको छ । तीन करोड रूपैयाँ दान गरेको हुनुपर्ने, नेपाल सरकारको दुईवटा टेण्डरमा सहभागी भएको हुनुपर्ने, टर्न ओभर १५ करोड भन्दा माथि हुनुपर्ने लगायतका सर्तले उक्त टेण्डर प्रक्रिया मिलेमतोमा भएको छानविन समितिले निस्कर्ष निकालेको हो । छानविन समितिले आज (सोमबार) संस्कृति, पर्यटन तथा नागरिक उड्डयन मन्त्रालयमा पत्रकार सम्मेलन गरेर प्रतिवेदन सार्वजनिक गरेको हो । कोषको सञ्चालक परिषदको बैठकले कोषाध्यक्ष नारायणप्रसाद सुवेदीको संयोजकत्वमा पाँच सदस्यीय छानविन समिति गठन गरेको थियो ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया