काठमाडौं । डडेल्धुराका स्वतन्त्र उम्मेदवार सागर ढकाल कांग्रेस उम्मेदवार शेरबहादुर देउवासँग दोब्बर मतले पछाडि परेका छन् । उनले अवस्था केही सुधार गरे पनि देउवालाई नजिकबाट चुनौती दिन चुकिरहेका छन् ।

प्राप्त पछिल्लो मत परिणाममा नेपाली कांग्रेसका सभापति शेरबहादुर देउवा तीन हजार २२ मतले आफ्नो प्रतिस्पर्धीभन्दा अगाडि छन् । उनले अहिलेसम्म १० हजार आठ सय ७० मत गणना हुँदा पाँच हजार छ सय २१ मत हासिल गरेका छन् ।

उनलाई पछ्याइरहेका ढकालले दुई हजार पाँच सय ९९ मत प्राप्त गरेको निर्वाचन अधिकृतको कार्यालयले जनाएको छ । यसैगरी, नेपाली कांग्रेस वीपीका कर्णबहादुर मल्लले एक हजार छ सय ३६ मत पाएका छन् भने ६ सय ५६ मत बदर भएका छन् ।