काठमाडौं । संवैधानिक परिषद्को कार्यविधिसम्बन्धमा आएको अध्यादेशपछिकाे विवादकाबीच प्रधानमन्त्री केपी ओली र अध्यक्ष प्रचण्ड संवादमा जुटेका छन् । नेकपाको स्थायी समिति बैठक बस्नु अघि ओली र प्रचण्ड संवादमा जुटेका हुन् । नेकपा नेता सुवास नेम्वाङले दुई अध्यक्षबीच छलफल चलिरहेको जानकारी दिए । ओली इतर समूहले अध्यादेश फिर्ताको माग गरेको छ । ओलीले भेटका लागि नेता शंकर पोखरेललाई बुधबार बिहानै प्रचण्डको खुमलटार निवास पठाएका थिए । अध्यादेशबारे स्थायी समितिमा कसरी बहस हुन्छ भन्ने विषयलाई चासोपूर्वक हेरिएको छ । आजै अध्यादेशबारे छलफल गर्न प्रतिपक्षी दल कांग्रेसको पनि बैठक बस्दैछ ।