काठमाडौँ । प्रधानमन्त्री केपी ओलीसँग छलफल गर्नका लागि नेकपाका कार्यकारी अध्यक्ष पुष्पकमल दाहाल प्रचण्ड बालुवाटार पुगेका छन् । उनीहरुबीच अहिले छलफल सुरु भएको छ । नेकपाको बुधबार बसेको स्थायी समितिको बैठकले पार्टी र सरकारमा रहेका मन्त्रीलाई नै थाहा नदिइ ल्याएको अध्यादेश फिर्ता लिन आग्रह गरेको थियो । प्रधानमन्त्रीले पनि सो बैठकमा विवादास्पद संवैधानिक परिषद् सम्वन्धि अध्यादेश फिर्ता लिन राजी भएका थिए । तर प्रधानमन्त्री ओलीले एकाएक सो अध्यादेश अनुसार नै परिषद्को बैठक डाकेपछि विवाद जस्ताको तस्तै रहेको बुझिएको छ । प्रधानमन्त्री ओलीले साँझ ५ बजे परिषद् बैठक र साझै ६ बजे मन्त्रिपरिषद्को बैठक बोलाएका छ । तर परिषद् बैठकमा कांग्रेस सभापति शेरबहादुर देउवा नजाने भएका छन् भने सभामुख अग्निप्रसाद सापकोटाले थाहै नभएको भनेका छन् ।