कोरोना संक्रमणकै क्रममा विश्वभर नै कहिल्यै नसुनिएका शब्दहरु सुनिए। नेपालमै पनि आइसोलेसनदेखि क्वारेन्टाइन, पिसिआर जस्ता शब्दावलीहरुले सर्वसाधारणको कानसम्मको यात्रा तय गर्यो । यसैबीच जर्मनीमा भने १२ सयवटा नयाँ शब्द जन्मिएका छन् । कोरोना कालभरमा जर्मनीमा कोभिड केन्द्रित भएर त्यहाँको भाषामा १२ सय नयाँ शब्दहरु थपिएका छन् । ‘दोस्रो विश्वयुद्धपछि यस्तो किसिमले हाम्रो भाषामा परिर्वतन नै भएको थिएन्,’ बर्लिनस्थित खुल्ला विश्वविद्यालयमा भाषा विज्ञानका प्राध्यापक रहेका एन्टोल स्टेफानोविट्स्चले भनेका छन्, ‘यो महामारीमा निकै छिटो शब्दहरु फेरिउका छन् । मैले विभिन्न संस्कृति र संस्कारले हाम्रो भाषामा भएको परिवर्तन देखेको छु । तर, केही महिनामै भएको यो परिवर्तन अच्चम लाग्दो छ ।’ कोरोना कालमा बनेका यी शब्दहरुलाई जर्मन भाषाको लेइब्जि इन्स्टिच्युटले संकलन गरेको छ । संकलनकर्तामध्येका एक डा. किस्टिन मर्स भन्छन्, ‘जब कुनै नयाँ घट्ना घट्छ, हामी त्यसका लागि नामको खोजी गर्न थाल्छौं । कुनै पनि कुराको नाम मानिसलाई तर्साउने र डर देखाउने हुनुहुँदैन् । हामीलाई त्यस्ता नाम दिनुपर्छ जसको मद्दतले हामी एकअर्कासँग संवाद गर्न सकौं । झन् यो महामारीको समयमा यसको महत्व अत्यधिक छ ।’ उनका अनुसार नयाँ बनेका शब्दहरुले कोरोनागस्ट (भाइरसले उत्पन्न गराउने चिन्ता)लाई घटाउनमा मद्दत गर्नेछन् ।