कृष्णहरि पुष्करलाई अर्थसचिव बनाउने तयारी
काठमाडौं । सरकारले अर्थसचिवमा कृष्णहरि पुष्करको सरुवा गर्ने भएको छ । सचिव सरुवा अन्तर्गत उक्त प्रस्ताव मन्त्रिपरिषद्मा लगिने निर्णय भएको स्रोतले बतायो ।
उनकाअनुसार आज बस्ने मन्त्रिपरिषद्को बैठकमार्फत प्रधानमन्त्री तथा मन्त्रिपरिषद्काे कार्यालयमा रहेका पुष्करलाई अर्थ मन्त्रालयमा सरुवा गर्ने तयारी भएको छ । यसअघि अर्थसचिव भइसकेका पुष्करलाई पुनः अर्थ मन्त्रालयको जिम्मेवारी दिने प्रस्ताव लगिएको हो । प्रधानमन्त्री कार्यालयकी सूचना अधिकारी कविता फुयाँलले मन्त्रिपरिषद् बैठकको तयारी भइरहेको जानकारी दिइन् ।
पुष्करलाई अर्थ मन्त्रालय सरुवा गर्ने तयारी भएसँगै हालका अर्थसचिव अर्जुन प्रसाद पोखरेललाई प्रधानमन्त्री तथा मन्त्रिपरिषद्को कार्यालयमा ल्याइनेछ ।
यसअघि राजस्व सचिव र अर्थ सचिव रहेका पुष्करसँग उद्योग मन्त्रालयमा काम गरेकाे अनुभव छ । याेसँगै उनले वैदेशिक रोजगार विभाग र अख्तियार दुरुपयोग अनुसन्धान आयोगमा पनि काम गरिसकेका छन् ।
त्यस्तै, चालु आर्थिक वर्षको बजेट प्रस्तुत गर्न एक महिना पनि बाँकी नहुँदा पोखरेललाई अर्थ सचिवमा सरुवा गरिएको थियो । पुस्करले सहसचिव हुँदा आन्तरिक राजस्व विभाग, भन्सार विभाग र त्रिभुवन विमानस्थलको भन्सार कार्यालय, सम्पत्ति शुद्धिकरणको विभाग प्रमुखको रुपमा पनि काम गरेका थिए ।
ताजा अपडेट
-
बागलुङका ११ हजार बालबालिकालाई आइपिभी खोप लगाइँदै
-
सहकारीको रकम हिनामिना : छानबिन समितिको कार्यादेश टुंगाे लगाउन कार्यदलको बैठक जारी
-
कुरिनटारमा ट्रक र माइक्रोबस ठोक्किए, १५ जना घाइते
-
‘कोषका पदाधिकारीको निर्देशन’मा पशुपतिको भेटी चोरी, ८ पक्राउ
-
भङ्गहा–जनकपुर–जयनगर रेल सेवा पुनः सञ्चालन
प्रतिक्रिया