NepalWatch

News Portal For Eeverything In Nepal from Nepal

२०८१ जेठ ८ गते

अमेरिकादेखि कर्णालीको शिक्षा सुधार्न किन आइन् म्यागी ?

काठमाडौं । १८ वर्षको उमेरमै नेपाल आएर यहाँको शिक्षा सुधारमा लागिरहेकी अमेरिकी नागरिक म्यागी डोएनले जीवनको आधा समय यहीँ बिताइसकेकी छिन् ।

पछिल्लो दुई दशकमा नेपालमा शिक्षामाथिको पहुँच बढेको उनको अनुभव छ । विशेषगरी महिलाको शिक्षामा पहुँच उत्तिकै बढेको उनले बताइन् । तर शिक्षाको गुणस्तरमा पनि अझै धेरै काम गर्नुपर्ने उनको बुझाइ छ ।

उनको नेतृत्वमा स्थापना भएको सुर्खेतस्थित कोपिला भ्याली स्कुलले शिक्षाको गुणस्तर वृद्धिमै ध्यान दिइरहेको छ ।

एक वर्ष घुमेरै बिताउँछु भनेर उनी भारत हुँदै नेपाल आएकी थिइन् । त्यतिबेला नेपाली भूमिमा सशस्त्र युद्ध चलिरहेको थियो । भारतमा भेट भएका एकजना प्रवासी नेपालीसँगै कर्णालीको कालीकोटस्थित उनको गाउँमा आएपछि उनले नेपाल प्रवेश गरेकी हुन् ।

कर्णालीमै हुँदा उनले विद्यालयका विविध समस्या नजिबाट नियाल्ने मौका पाइन् । विद्यालय भएपनि समयमा किताब नहुने, किताब भए शिक्षक नआउनेजस्ता समस्या देखेर चकित भएकी थिइन् ।

युद्ध चलिरहेका कारण त्यतिबेला कतिपय बच्चा अभिभावकविहीन भएका थिए । खाद्यन्न संकट पनि उस्तै थियो । उनले ती बालबालिकाहरू भेटिन् । दिनमा सय रुपैयाँ कमाउनकै लागि उनीहरू पढ्नुको साटो गिट्टी कुट्न बाध्य थिए ।

६/७ वर्षका ती बालकालिकाहरू शिक्षाबाट वञ्चित भएर गिट्टी कुटेको देखेपछि उनले कोपिला भ्यालीको स्थापना गर्ने योजना बनाउन थालिन् ।

५, १० १५ हुँदै आजको दिनसम्म आइपुग्दा कोपिला भ्यालीले ८०० जना बच्चाहरूलाई शिक्षा दिइरहेको छ । उनै डोएनसँग यसपटकको एजुकेसनको डायलगको श्रृंखलामा उनको नेपाल यात्रा, शिक्षा क्षेत्रमा काम गरिरहँदाका अनुभवबारे कार्यक्रम प्रस्तोता नरोत्तम अर्यालले संवाद गरेका छन् ।

हेर्नुहोस् उनीहरूबीच भएको संवादको पूरा भिडियोः

 

ताजा अपडेट

नेपालवाच विशेष