काठमाडौं । प्रतिनिधिसभाको बैठक आज बस्दैछ । संघीय संसद सचिवालयले आज बिहान ११ बजे बैठक बस्ने जानकारी दिएको छ ।

यसअघि मंगलबारको बैठकमा विपक्षी दलहरुले गृहमन्त्री रमेश लेखकको राजीनामा माग्दै अवरुद्ध गरेपछि आधा घण्टाका लागि स्थगित भएको बैठक बस्दै नबसी आजसम्मका लागि स्थगित भएको थियो ।

सबै विपक्षी दलहरु भिजिट भिसा प्रकरणमा गृहमन्त्री लेखकले राजीनामा नदिएसम्म संसद चलन नदिने अडानमा रहेकाले आजको बैठक सुचारु हुने बारे अन्योल नै रहेको छ ।

मंगलबार सभामुख देवराज घिमिरेले विपक्षी दलका प्रमुख सचेतक र सचेतकहरुसँग छलफल गरेपनि उनीहरुले गृहमन्त्रीको राजीनामाको अडान छोडेका छैनन् । विपक्षी दलहरुले गृहमन्त्रीको राजीनामालाई बटमलाइन बनाएपछि विहिबार सार्बजनिक हुने बजेट बारे पनि अन्योलता बढेको छ ।