काठमाडौँ । सर्वोच्च अदालतले ललितानिवास जग्गा हिनामिनामा मुछिएका दिपकुमार बस्न्यातसँग सम्वन्धित फाइल मगाएको छ । ललितानिवास जग्गा हिनामिनामा संलग्न दावी गर्दै अख्तियारले दायर गरेको मुद्धामा विशेष अदालतले बस्न्यातलाई थुनामा पठाएको थियो । थुनामा पठाउने बिशेष अदालतको फैसला विरुद्ध अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यातले सर्वोच्चमा पुनरावेदनको निवेदन दर्ता गराएका थिए । सर्वोच्चका न्यायाधीश हरि फुयालको इजलास नं १० को एकल इजलासले आज कैफियत प्रतिवेदन माग गर्ने आदेश गरेको हो । २८ मंसिर ०७६ कम विशेष अदालतले बालुवाटारको सरकारी जग्गा गैरकानुनी ढंगले व्यक्तिका नाममा लैजान मतियारको भूमिका खेलेको अभियोगमा बस्नेतलाई थुनामा पठाउने आदेश दिएको थियो । बस्न्यातलाई सरकारले ०६४ साउन १९ मा भौतिक पूर्वाधार सचिवमा नियुक्त गरेको र उनी २७ गते मन्त्रालयमा हाजीर भएको, तर प्रधानमन्त्री निवासमा भवन निर्माण गर्ने लगायतका परियोजना बनाउने निर्णय ०६४ वैशाख १४ मा भएको बस्न्यातको निवेदनमा उल्लेख थियो ।