कांग्रेस सभापति शेरबहादुर देउवाले जुलुस निकाल्नको लागि कांग्रेससँग पैसा नभएको बताएका छन् । पोखरामा भउको नेपाल राष्ट्रिय मगर संघको गण्डकी प्रदेश सम्मेलनमा सभापति देउवाले कांग्रेससँग खर्च गरेर जुलुस निकाल्ने पैसा नभएको बताएका हुन् । ‘जुलुस निकाल्नको लागि हामी (कांग्रेस) सँग पैसा पनि छैन । ठाउँठाउँबाट जबर्जस्ती बोलाउन पनि सकिँदैन’ देउवाले भने, जुलुस त की प्रचण्डको जुलुस ठूलो होला कि त ओलीको होला । कांग्रेसको त हुँदैन । जुलुसकै आधारमा गर्ने हो भने अदालत किन चाहियो र ?’ पार्टीभित्र प्रतिनिधिसभा विघटनपछि नियमित आन्दोलन गर्नुपर्ने विषय उठेपछि देउवाले सधैं जुलुस र विरोध प्रदर्शन गर्न पार्टीसँग पैसा नै नभएको बताएका हुन् ।