काठमाडौं । कांग्रेसले प्रदेश २ का प्रदेश प्रमुख तिलक परियारलाई हटाएकोमा विरोध जनाएको छ । प्रवक्ता विश्वप्रकाश शर्माले विज्ञप्ति जारी गरी सरकारको सिफारिसमा गरिएको वर्खास्तीप्रति विरोध जनाएको हो । ‘अघिल्लो सरकारको पालामा प्रक्रिया बमोजिम गरिएको नियुक्तिलाई गत वर्ष बदर गरेर सरकारले स्वेच्छाचारी ढंगले नियुक्ति गरेको थियो ।’ शर्माद्वारा विज्ञप्तिमा उल्लेख छ, ‘आज फेरि त्यही प्रवृत्ति दोहो¥याएर सरकारले एकातर्फ प्रदेश प्रमुखको गरिमा थप घटाउंदै जाने कर्म गरेको छ भने निर्वाचन घोषणा भएको छ भनेर दलको विवाद निरुपण नगर्न निर्वाचन आयोगलाई आन्तरिक दबाब दिने सरकार बर्खास्त र नियुक्ति तर्फ लाग्नु नैतिक आचारको दृष्टिले समेत अत्यन्तै गलत र आपत्तिजनक छ ।’ संसद विघटनको असंवैधानिक कदम पश्चात् काम चलाउ स्थितिमा पुगेको सरकारले यसरी बर्खास्त, नियुक्ति आदि काम गर्न विल्कुलै मिल्दैन र पाइन्न भन्दै कांग्रेसले कडा विरोध जनाउँदै स्वेच्छाचारी ढंगले गर्ने गरिएका यस्ता कार्य रोक्न सरकारलाई चेतावनी दिएको छ ।