नासाका वैज्ञानिकले एक नयाँ ‘सुपर अर्थ’ को खोजी गरेका छन् । वैज्ञानिकले यस ग्रहको वायुमण्डलमा एलियनको जीवनको सम्भावना रहेको अपेक्षा गरेका छन् । हालै पत्ता लगाइएको यो ग्रहको सतहको तापमान शुक्र ग्रहभन्दा थोरै कम छ । म्याक्स प्लेन्क सोसाइटीका एस्टोनमर्सले पृथ्वीभन्दा २६ प्रकाश वर्ष टाढा रातो वाम ताराको चक्क लगाइरहेको ग्रहको खोजी गरेका हुन् । गिलसी–४८६बी नामको यस ग्रहको व्यास पृथ्वीभन्दा १.३ गुणा बढी छ । तर, यसको घनत्व भने पृत्वीभन्दा २.८ गुणा बढी छ । यस ग्रहलाई वैज्ञानिकले विशेष तरिकाले खोजी गरेका हुन् । साइन्स जर्नलमा प्रकाशित सोध अनुसार एस्टोनमर्सले यहाँ जीवन रहेको प्रमाण फेला पर्न सक्ने अनुमान गरेका छन् । खोज गर्ने वैज्ञानिकका अनुसार यस ग्रहको फला–सिलिकेटको बनावट पृथ्वीसँग मेल खान्छ । तर, यहाँको तापमान निकै बढी छ । सतहको तापमान ४२८ डिग्री सेल्सियस छ, जहाँ शुक्र ग्रहको तापमान भने ४५० डिग्री सेल्सीयस छ । यति धेरै तापमान भए पनि नयाँ खोजिएको यो ग्रह पूरै लाभाको रुपमा भने छैन । यहाँको सतहमा लाभा बगिरहने गरेको नासाका वैज्ञानिकले बताएका छन् । यहाँको वायुमण्डलको प्रकार र जीवनका लागि आवश्यक तत्व छ वा छैन भन्ने जान्न अझै अध्ययन आवश्यक देखिएको खगोलशास्त्रीले बताएका छन् । तर, यहाँको वायुमण्डल निकै बाक्लो भएकाले जीवन हुनसक्ने सम्भावनालाई पनि नकार्न नसकिने खगोशास्त्री बताउँछन् । स्पेक्ट्रोस्कोपीको सहयोगले यहाँ रहेको केमिकल्स र वायोमेकर्सलाई खोजन सकिन्छ । जसबाट जीवनको सम्भावनाबारे पत्ता लाग्छ । गिलसे–४८६ ले आफ्नो ताराको एक चक्क १.४६७ दिनमा लगाउँछ । यस ग्रहको घनत्व भने पृथ्वीजस्तै छ । यसको द्रव्यमान र व्यास हेर्दा पृथ्वी र ‘सुपर अर्थ’ बीचको दायरामा राखिएको छ । एजेन्सी