पश्चिमी वायुको आंशिक प्रभावका कारण मुलुकका विभिन्न स्थानमा वर्षा हुने भएको छ। मौसम पूर्वानुमान महाशाखाका अनुसार बुधबार अपराह्न प्रदेश १, गण्डकी, कर्णाली र सुदूरपश्चिम प्रदेशका पहाडी भूभागका एक–दुई स्थानमा मेघगर्जन तथा चट्टयाङ सहित हल्का वर्षाको सम्भावना छ । राति प्रदेश १ र गण्डकी प्रदेशका पहाडी भूभागका एक–दुई स्थानमा मेघगर्जन तथा चट्टयाङसहित हल्का वर्षाको सम्भावना रहेको महाशाखाले जानकारी दिएको छ। यसैगरी, बिहीबार देशका पहाडी भूभागमा आंशिकदेखि सामान्य बदलीको सम्भावना रहेको र बाँकी प्रदेशमा मौसम सामान्यतया सफा रहनेछ। महाशाखाका अनुसार देशको उच्च पहाडी तथा हिमाली भुभागका थोरै स्थानमा हल्का हिमपातको संभावना छ।