काठमाडौं । अविश्वासको प्रस्ताव झेलिरहेका गण्डकी प्रदेशका मुख्यमन्त्री पृथ्वीसुब्बा गुरुङले मन्त्रिमण्डल विस्तार गरेका छन् । मनाङ (ख) बाट निर्वाचित दीपक मनाङे भनेर चिनिने स्वतन्त्र प्रदेश सांसद राजीव गुरुङलाई मुख्यमन्त्री गुरुङले युवा तथा खेलकुद मन्त्रीमा नियुक्त गरेका छन् । केहीबेरमा उनको सपथग्रहण हुने बताइएको छ । २०७४ सालको मंसिर १० गते सम्पन्न प्रदेश सभा निर्वाचनमा राजीव स्वतन्त्र उम्मेदवारी दिए पनि तत्कालीन एमालेको समर्थनमा उनले निर्वाचन जितको हुन् । निर्वाचित भए पनि अरु प्रदेशसभा सांसदले सँगै उनले सपथ लिन पाएका थिएनन् । बरु प्रहरीले उनलाई ज्यान मार्ने उद्योग सम्बन्धी मुद्दामा २०७५ वैशाख ६ गते पक्रेको थियो । १० वर्षभन्दा कम सजाय हुने मुद्दा बाहिर बसेरै लड्न मिल्ने व्यवस्था अुनसार २०७५ पुस ६ गते उनी छुटेका हुन् । मनाङे पनि बुधबार अविश्वास प्रस्तावमाथि छलफल चल्दै गर्दा सम्पर्कविहीन भएका थिए ।