श्रीलङ्कामा हवाई यात्रामा कडाइ, विमानमा ७५ यात्रु मात्र उड्न पाउने
कोलम्बो । श्रीलंकाले कोरोना महामारीलाई ध्यानमा राखी सोमबार बिहानदेखि लागू हुनेगरी दुई साताका लागि हवाई यात्रामा थप कडाइ गरेको छ । श्रीलंकाली हवाई उड्डयन प्राधिकरणका अनुसार हवाई यात्रा गर्दा ठूला विमानले एक पटकमा ७५ जनाभन्दा बढी यात्रु बोक्न पाउने छैनन् । यसबारे प्राधिकरणले सबै विमान कम्पनीहरुलाई जानकारी गराइसकेको पनि जनाएको छ । दुई सातापछि मुलुकभित्र कोभिडको अवस्थाका बारेमा मूल्यांकन गरेपछि थप निर्णय लिइने प्राधिकरणको भनाइ छ । यसैबीच, श्रीलंकामा पछिल्ला दिनहरुमा संक्रमितको संख्या ह्वात्तै बढेको छ । आइतबार हालसम्मकै उच्च संख्यामा संक्रमित भेटिएका छन् । श्रीलंकाली स्वास्थ्य मन्त्रालयका अनुसार पछिल्लो २४ घण्टामा एक हजार ८ सय जनामा कोरोना पुष्टि भएको हो । यो सहित श्रीलंकामा संक्रमितको संख्या एक लाख १२ हजार पुगेको छ । (रासस/एएनआई)
ताजा अपडेट
-
श्रम मन्त्रालयले घोषणा गर्याे श्रमदान योजना
-
श्रमिकको न्यूनतम पारिश्रमिक वृद्धि गर्न पहल गर्छु : प्रधानमन्त्री दाहाल
-
तनहुँ जलविद्युत् आयोजना : प्रसारण लाइनको काम ७३ प्रतिशत सकियो
-
बालबालिकाका लागि ‘बृहत खोज र खोप अभियान’ सुरु हुँदै
-
श्रमिकका अधिकार सुनिश्चित गर्न मानव अधिकार आयोगको माग
प्रतिक्रिया