प्रदेश १ मा बजेट अधिवेशन गर्न माग
मोरङ। प्रदेश १ का विपक्षी दलले बजेट अधिवेशन गर्न माग गरेका छन् । प्रदेश संसद् सचिवालयमा बुधबार आयोजित संयुक्त पत्रकार सम्मेलनमा दलका नेताहरुले आगामी आर्थिक वर्ष २०७८/७९ को बजेट अध्यादेशबाट नभई संसद्बाटै ल्याउन माग गरेका हुन् । नेपाली कांग्रेस संसदीय दलका नेता राजीव कोइरालाले सरकारले पूर्वबजेट छलफल नै नगरी बजेट ल्याउने तयारी थालेको भन्दै यही जेठ १६ गतेभित्र पूर्व छलफल गराउनुपर्ने बताए । नेकपा(माओवादी केन्द्र) संसदीय दलका नेता तथा निवर्तमान आर्थिक मामिला तथा योजनामन्त्री इन्द्रबहादुर आङ्बोले नीति तथा कार्यक्रम नै छल्न अध्यादेशबाट बजेट ल्याउने ध्यानमा प्रदेश सरकार रहेको आरोप लगाए । नेपाली कांग्रेस दलका नेता कोइराला, माओवादी केन्द्र दलका नेता आङ्बो, जनता समाजवादी पार्टी नेपालका नेता जयराम यादव र सङ्घीय लोकतान्त्रिक राष्ट्रिय मञ्च दलका नेता विष्णु तुम्बाहाम्फेले संयुक्त विज्ञप्ति पनि प्रकाशन गरी प्रदेश नीति तथा कार्यक्रम ल्याई संसद् बाटै बजेट ल्याउन माग गरेका छन् ।
ताजा अपडेट
-
मौसममा एकसाथ तीन वायुको प्रभाव, आज कहाँ–कहाँ पर्छ पानी ?
-
आगलागी, डढेलो र चट्याङबाट २४ दिनमा २७ जनाको मृत्यु
-
आज मातातीर्थ औँसी, आमाप्रति आदर र सम्मान गरेर मनाइँदै
-
जयविरको समाचारमा देउवा सचिवालयको चिन्ता, तर शेरबहादुरको सम्पत्ति विवरणमा झन ठूलो प्रश्न
-
सहकारीले बैंकभन्दा ठूलो कारोबार गर्दा समस्या आयो : मन्त्री अधिकारी
प्रतिक्रिया