सांसदबाट हटाइएका लुम्बिनी प्रदेशका चार जनाले पाए मतदानको अधिकार
काठमाडौं । मुख्यमन्त्री शंकर पाेखेरेललाई साथ दिएका चार जना सांसदले मतदान हुनु एकदिन अघि मात्रै मतदानकाे अधिकार प्राप्त गरेका छन् । साेमबार प्रदेशमा एक जना राष्ट्रियसभा सदस्यका लागि हुन लागेको मतदानमा जसपाका चार जना सांसद थपिएका हुन् । शंकर पाेखरेललाई साथ दिएपछि जसापकाे बाबुराम–उपेन्द्र पक्षले सांसदबाटै निष्काशन गरेकाे थियाे । तर, त्यसविरुद्ध सांसदहरु अदालत पुगेका थिए । निर्वाचन आयोगले आइतबार जनता समाजवादी पार्टीबाट मन्त्री बनेका ४ जना सांसदलाई पनि पूरक मतदाताको अधिकार दिएको जिल्ला निर्वाचन कार्यालय दाङका सूचना अधिकारी गेहेन्द्र कुँवरले जानकारी दिए । योसँगै लुम्बिनी प्रदेशमा ८३ जना प्रदेश सभा सदस्यले मताधिकार पाएका छन् । यसअघि जसपाको एक समूहले सांसदहरू कल्पना पाण्डेय, सन्तोषकुमार पाण्डेय, सुमन शर्मा रायमाझी र विजयबहादुर यादवलाई कारबाही गरेको थियो । उनीहरू मुख्यमन्त्री शंकर पोखरेलको सरकारमा मन्त्री छन् । उनीहरूलाई पार्टीको सिफारिसमा सभामुखले पदमुक्त गरेका थिए । ४ जनाले सर्वोच्चम मुद्दा हालेका थिए । सर्वोच्चले उनीहरूलाई पदमुक्त गर्ने निर्णय तत्काल कार्यान्वयन नगर्न आदेश दिएको थियो ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया