आजको सुनुवाइमा पुरानै इजलास कायम
काठमाडौं । प्रतिनिधिसभा पुनःस्थापना, कांग्रेस सभापति शेरबहादुर देउवालाई प्रधानमन्त्री बनाउन माग गर्दै दायर भएका रिटमाथि संवैधानिक इजलासमा आज पनि सुनुवाइ हुँदैछ । यसअघि तीन दिन भएका सुनुवाइका क्रममा इजलासमा भएका न्यायाधीशमाथिको विषयमै चर्काचर्की भयो । सोही क्रममा पक्ष विपक्षका अधिवक्ताहरु विवादमा उत्रिएका थिए । आजको सुनुवाइमा संवैधानिक इजलासका दुई न्यायाधीश बमकुमार श्रेष्ठ र तेजवहादुर केसीको पनि रहने छन् । विपक्षी गठबन्धनका कानून व्यवसायीले प्रश्न उठाए पनि इजलास पुरानै कायम भएको हो । सोमबार दिनभर न्यायाधीशहरु छलफलमा बसे पनि दुई न्यायाधीशले झगडियाले भनेका भरमा इजलास नछाड्ने अडान लिएका छन् । त्यस्तै इजालसमा रहेका अन्य दुई न्यायाधीश दिपककुमार कार्की र आनन्दमोहन भट्टराईले आज के गर्छन् ? भन्ने विषयलाई लिएर सबैको चासो पनि बढेको छ । दुई न्यायाधीशबारे प्रश्न उठेपछि इजलास छाड्नुपर्ने सुझाव उनीहरुले दिएको बताइएको छ । सोमवार ९ जना न्यायाधीशरहरुको बैठकले पनि कार्की र भट्टराईले स्वविवेकमा निर्णय लिनुपर्ने ठहर गरेको थियो । विवादकै कारण सोमबार संवैधानिक इजलामा रहेका दुई न्यायाधीश केसी र श्रेष्ठको सन्दर्भ कुनै आदेश आएको थिएन । आजको इजलासमा सबैभन्दा पहिले यही विषय छिनोफानो भएर अरु प्रक्रिया अघि बढ्ने बताइको छ । सुनुवाइका क्रममा विपक्षी गठबन्धनका अधिवक्ता सम्भू थापाले त प्रधानन्यायाधीशलाई बिदामा बस्ने समेत सुझाव दिएका थिए । त्यसपछि महान्यायाधिवक्ता रमेश बडालले वकिललाई न्यायाधीश चुन्ने अधिकार नभएको बताएका थिए ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया