घुससहित पक्राउ परेको पाँच महिनामै सफाइ
काठमाडौं । कागेश्वरी मनोहरा, वडा नं. १ स्थित श्री सिद्धि गणेश माध्यमिक विद्यालयका बिद्यालय ब्यवस्थापन समितिका अध्यक्ष राज कुमार थापा र सोही बिद्यालयका प्रधानाध्यापक बुद्धि बिलास धितालले रिसवत घुस मुद्दामा सफाइ पाएका छन् ।
शिक्षक छनौट प्रक्रियामा पेश गरेको सक्कल कागजात फिर्ता गर्ने क्रममा घुस लिएको आधारमा उनीहरु गत साउनमा पक्राउ परेका थिए । १६ हजार रुपैयाँ घुससहित अख्तियार दुरुपयोग अनुसन्धान आयोगको टोलीले उनीहरुलाई बिद्यायलबाकै छेउमा पक्राउ गरेको थियो ।
सो बिद्यालयमा शिक्षकमा नियुक्त भएका एक व्यक्तिले छिट्टै जागिर छाडे । उनको सक्कली शैक्षिक प्रमाणपत्र बिद्यालयमा थियो । त्यसरी भर्ना भएलगत्तै छाडेको भन्दै बिद्यालयले उनीसँग १६ हजार मागेको थियो । त्यो रकम प्रधानन्यायाधपक र अध्यक्षले मागेको भन्दै उनले अख्तियारमा उजुरी गरेका थिए । आयोगले सोही आधारमा उनीहरुलाई पक्राउ गरेको थियो । पक्राउ गर्ने क्रममा विवाद भएको थियो । सो पैसा आफुहरुले नभई बिद्यालयको नियमअनुसार बिद्यालयकै लागि लिएको उनीहरुको दाबी थियो । तर, रसिद भने दिएका थिएनन् । पक्राउ परेका दुवै जना स्थानीय स्तरमा लोकप्रिय व्यक्ति हुन्।
शुक्रबार बिशेष अदालतले प्रमाण नपुगेको भन्दै सफाइ दिने निर्णय गरेको हो।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
Akhtiyar toli le rangehaat pakrau gareko rahechha. Turunta school ko bill dina nasakeko bhaye ghus pramanit bhaisakyo ni.
Keko praman apug bhaneko .. daaka haru le?