काठमाडौं । जनता समाजवादी पार्टी निकट विद्यार्थीले मूल्यवृद्धि तथा महिला हिंसाको विरुद्ध प्रदर्शन गरेको छ । बुधबार काठमाडौंको माइतीघरमा जसपाका कार्यकर्ता तथा समर्थक थाल ठटाउँदै प्रतिगमन, मूल्यवृद्धि तथा महिला हिंसाका मुद्दालाई लिएर सडकमा उत्रिएका थिए । सरकारले पछिल्लो समय पेट्रोलियम पदार्थमा बढाएको मूलयवृद्धि फिर्ता गर्न प्रदर्शनकारीको माग थियो । उनीहरूले ग्यास सिलिन्डर पनि राख्दै थाल र चम्चा ठटाएर विरोध गरेका थिए । समाजवादी विद्यार्थी युनियनको आयोजनमा भएको उक्त विरोधमा प्रदर्शनकारीले महिलामाथीको हिंसा बन्द गर, प्रतिगमनकारी कदम खारेज गरलगायतका नारा पनि लगाएका थिए ।