आजदेखि २० प्रतिशत कर्मचारीबाट बैंकिङ सेवा, डिजिटललाई प्राथमिकता दिन निर्देशन
बैंक तथा वित्तीय संस्थाले आज सोमबारदेखि २० प्रतिशत कर्मचारीमार्फत बैंकिङ सेवा प्रदान गर्दैछन्। नेपाल राष्ट्र बैंकले आइतबार जारी गरेकाे निर्देशन अनुसार बैंकहरुले निषेधाज्ञा जारी भएकाे क्षेत्रमा रहेका कार्यालयबाट २० प्रतिशतभन्दा कम कर्मचारीबाट सेवा प्रदान गर्नुपर्नेछ। काेराेनाकाे दोस्रो लहर तीव्र गतिमा फैलिएसँगै बिहीबारदेखि काठमाडौँ उपत्यकालगायतका केही जिल्लामा १५ दिनसम्म निषेधाज्ञा जारी गरिसकेको छ। निषेधात्मक आदेशको पालनाका लागि स्थानीय तहसँगको समन्वयमा शाखा सञ्चालन गरी बैंकिङ सेवा प्रदान गर्न पनि निर्देशन दिएको छ । अनावश्यक कर्मचारीको उपस्थिति रोक्न डिजिटल प्रविधिमार्फत कारोबार बढाउन र भौतिक सेवालाई न्यूनीकरण गर्न राष्ट्र बैंककाे निर्देशन छ । कर्मचारीलाई पनि सक्दो घरैबाट र दूर पहुँचबाट काम गर्न जोड दिनसमेत निर्देशनमा उल्लेख छ । बैंक तथा वित्तीय संस्थालाई नजिकै रहेका शाखाहरूको हकमा थोरैभन्दा थोरै शाखा सञ्चालनमा ल्याई वैकल्पिक शाखाबाट आलोपालो सेवा प्रदान गर्नसमेत राष्ट्र बैङ्कको निर्देशन छ । बन्द हुने शाखा कार्यालयको मूल ढोका, संस्थाको वेबसाइट तथा सामाजिक सञ्जालमा सेवासम्बन्धी सोधपुछका लागि सम्पर्क व्यक्तिको सम्पर्क नम्बर, खुल्ने वैकल्पिक शाखा तथा समयावधिसम्बन्धी सूचना दैनिक रूपमा प्रकाशन गर्नुपर्ने निर्देशनमा उल्लेख छ।
ताजा अपडेट
-
रवि लामिछानेको सम्पत्ति सार्वजनिक, अधिकांश श्रीमतीको नाममा
-
कति छ प्रधानमन्त्री पुष्पकमल दाहालको सम्पत्ति ?
-
कान्तिलोकपथ एक हप्ताभित्र सञ्चालन गरिने
-
पक्राउ पुर्जी जारी भएपछि सिरोहिया – सहकारी ठगीबारे लेख्न एक इन्च पछि हटिन्न
-
फिनल्याण्डद्वारा जलवायु अनुकूलन कार्यक्रमका लागि १ अर्ब ८७ करोड अनुदान
प्रतिक्रिया