कर्मचारीमा संक्रमणपछि सिरहाका प्रशासन र मालपोत कार्यालय बन्द
सिरहा । जिल्ला प्रशासन कार्यालय र भूमिसुधार तथा मालपोत कार्यालय सिरहाले सेवा प्रवाह बन्द गरेका छन् । प्रशासन कार्यालयको राजश्व संकलनमा खटिएका बैंकका एक कर्मचारीमा कोरोना संक्रमण पुष्टि भएपछि कार्यालयको सम्पूर्ण सेवा प्रवाह बन्द गरिएको हो । अब कार्यालयका अन्य कर्मचारीहरुको पनि पीसीआर परीक्षण गर्नुपर्ने र रिर्पोट नआएसम्म नियमित रुपमा दिइँदै आएको सेवालाई स्थगन गरिएको प्रमुख जिल्ला अधिकारी प्रदीपराज कणेलले बताए । जिल्लाको शान्ति सुरक्षालगायतका अत्यावश्यकबाहेक अन्य सबै सेवाहरु अर्को सूचना जारी नभएसम्म स्थगन गरिएको उनले जानकारी दिए । यस्तै भूमिसुधार तथा मालपोत कार्यालयले पनि कर्मचारीमा कोरोना संक्रमण देखिएको भन्दै सेवा ठप्प पारेको छ । कार्यालयको मोठ फाँटमा कार्यरत एक कर्मचारीमा संक्रमण देखिएकोले सेवा प्रवाह बन्द गरिएको निमित्त प्रमुख मोहन सिंह दर्जीले बताए । उनका अनुसार कार्यालयमा कार्यरत अन्य कर्मचारीहरुको पनि पीसीआर परीक्षण गरिने र रिर्पोट नआउन्जेल आन्तरिक कार्यबाहेक अन्य सेवा बन्द रहनेछ ।
ताजा अपडेट
-
रवि लामिछानेको सम्पत्ति सार्वजनिक, अधिकांश श्रीमतीको नाममा
-
कति छ प्रधानमन्त्री पुष्पकमल दाहालको सम्पत्ति ?
-
कान्तिलोकपथ एक हप्ताभित्र सञ्चालन गरिने
-
पक्राउ पुर्जी जारी भएपछि सिरोहिया – सहकारी ठगीबारे लेख्न एक इन्च पछि हटिन्न
-
फिनल्याण्डद्वारा जलवायु अनुकूलन कार्यक्रमका लागि १ अर्ब ८७ करोड अनुदान
प्रतिक्रिया