प्रधानमन्त्री केपी शर्मा ओलीले देश दौडाहालाई झनै तीव्र बनाएका छन्। सोमबार पोखरा पुगेका प्रम ओली मंगलबार आज झापा र मोरङ जाँदै छन्। प्रधानमन्त्री ओली काठमाडौंबाट झापा जाने छन्। उनी बिर्तामोडमा बी एन्ड सी अस्पतालले बनाएको अत्याधुनिक पूर्वाञ्चल क्यान्सर अस्पतालको उद्घाटन गर्नेछन्। त्यसपछि ओली मोरङको उर्लाबारी जाने कार्यक्रम छ। उर्लाबारीमा सन्थाल समुदायको लागि बन्ने एकीकृत बस्तीको प्रधानमन्त्रीले शिलान्यास गर्ने कार्यक्रम रहेको प्रधानमन्त्रीको सचिवालयले जानकारी दिएको । सन्थाल समुदायका एक सय ३६ परिवारको लागि ३० करोड रुपैयाँ लागतमा एकीकृत बस्ती बनाउने योजना छ। ओलीले आइतबार मात्र झापामा नेपाल–चीन मैत्री औद्योगिक पार्क शिलान्यास गरेका थिए।