काठमाडौं । सर्वोच्च अदालतले एमाले र माओवादी ब्युँत्याइदिएपछि सबैभन्दा सकसमा रहेका नेता माधवकुमार नेपालले आफ्नो पक्षका मात्रै नेताहरुसँग छलफल थालेका छन् । आजै तीन बजेपछि बस्ने स्थायी समितिको बैठक अघि नेपालले काठमाडौंको एक होटलमा अब कसरी अघि बढ्ने भन्नेमा आफू निकटका नेताहरुसँग छलफल गरिरहेका हुन् । सर्वोच्चको फैसलापछि प्रचचण्ड पक्षले आइतबार नै कानुन व्यवसायीसँग छलफल गरेको थियो । अब स्थायी समितिबाट कसरी अघि बढ्ने भन्नेमा उनीहरुले आवश्यक छलफल गर्ने तयारी गरेका छन् । अदालतको फैसलापछि पुनरावलोकनका लागि जाने तयारी पनि उनीहरुको छ ।