कांग्रेस बैठक फेरि स्थगित
काठमाडौं । कांग्रेस केन्द्रीय समितिको बैठक फेरि स्थगित भएको छ । आइतबार २ बजेका लागि बैठक बोलाइए पनि समायोजन र क्रियाशील सदस्यताको विषयमा छानविन समितिले पूर्ण प्रतिवेदन नै तयार गर्न नसकेपछि सोमबार ४ बजे बस्ने गरी बैठक स्थागित भएको जानकारी केन्द्रीय कार्यालयका सचिव प्रेम केसीले दिए । ‘देशभरिबाट समायोजन र क्रियाशील सदस्यताका सम्बन्धमा छानविन समितिको प्रतिवेदन अधुरो छ’ केसीले भने, ‘यसलाई पूर्ण बनाएर केन्द्रीय समितिमा प्रस्तुत गर्न समय लाग्ने भएकोले बैठक स्थगित भएको हो ।’ यस अघि पनि कांग्रेस बैठक स्थगित भएको थियो । भदौमा तोकिएको महाधिवेशन गर्नु अघि समायोजन, क्रियाशील सदस्यता नवीकरण र नयाँ वितरणमा कांग्रेसमा ढिलाई हुँदै आएको छ । कांग्रेसले आफ्नै नेतृत्वमा सरकार गठन गर्ने निर्णय गरे पछि त्यस अनुसार प्रक्रिया अगाडि बढ्न सकेको छैन । यस्तो अवस्थामा कसरी अगाडि बढ्ने भन्नेमा पनि कांग्रेसमा अलमल छ । समयमा सदस्यता नटुगिंदा महाधिवेशनको कार्यतालिका हेरफेर सम्बन्धमा पनि कुरा मिल्न सकेको छैन ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया