एमालेको आधिकारिकता दावी गर्दै माधव नेपाल पक्षद्वारा निर्वाचन आयोगमा लिखित निवेदन दर्ता
काठमाडौं । नेकपा एमालेका वरिष्ठ नेता माधवकुरमा नेपाल पक्षले पार्टीको आधिकारिकता दावी गर्दै निर्वाचन आयोगमा लिखित निवेदन दर्ता गराएको छ । नेपाल पक्षीय नेता डा. बेदुराम भुसाललगायतका नेता आइतवार आयोगमा गएर राजनीतिक दल सम्बन्धी ऐनको दफा ४३ र ४४ अनुसार कारवाही प्रक्रिया अघि बढाउन लिखित निवेदन दिएका छन् । पार्टीका स्थायी समिति सदस्यसमेत रहेका भुसालले प्रमुख निर्वाचन आयुक्त दिनेश थपलियालाई भेटेर लिखित निवेदन दर्ता गराएका हुन् । २३ फागुनमा सर्वोच्च अदालतको फैसलाले पूर्वएमाले ब्युँतिएपछि २८ फागुन र चैत ७ मा अध्यक्ष केपी शर्मा ओलीपक्षले गरेको सबै निर्णय बदर गरी आफूहरुलाई आधिकारिता दिन माग गर्दै आयोग गएको नेपाल पक्षले बताएको छ । अध्यक्ष ओलीले विधानविपरित महाधिवेशन आयोजक समिति गठन गरेका, आफू र महासचिवबाहेक निर्वाचित पदाधिकरी हटाएकालगायतका सबै निर्णय देशको संविधान र पार्टीको विधान अनुसार नभएको ठहर गर्दै नेपालपक्षले निवेदन दर्ता गराएको नेपालपक्षीय एक नेताले बताए । ०७१ सालमा सम्पन्न एमोको नवौं महाधिवेशनबाट निर्वाचित ८८ जना केन्द्रीय सदस्यको तर्फबाट विनेदन दर्ता गराएको नेपालपक्षको भनाइ छ । माधव नेपाल पक्ष चैत १ गते पनि फागुन २८ को निर्णय बदर गर्न माग गर्दै आयोग पुगेको थियो ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया