भारतमा ९५ लाखभन्दा बढी स्वास्थ्यकर्मीलाई कोभिडविरूद्धको पहिलो खोप दिइयो
काठमाडौं । भारतका ९५ लाखभन्दा बढी स्वास्थ्यकर्मीले कोभिड–१९विरूद्धको पहिलो खोप लगाएका संघीय स्वास्थ्यमन्त्री हर्षबर्धनले बुधबार जानकारी गराएका छन् । यो वर्षको जनवरी १६ देखि खोप अभियान सञ्चालन गरिएको ९५ लाखभन्दा बढी स्वास्थ्यकर्मीले पहिलो साथै ६५ लाखभन्दा बढी स्वास्थ्यकर्मीले दुबै खोप लगाएका उनले भिडियो कन्फरेन्समार्फत् विभिन्न राज्यका स्वास्थ्यमन्त्रीसँगको छलफलका क्रममा बताएका हुन् । उनले उत्तराखण्ड, हरियाणा, पञ्जाब, बिहार, झारखण्ड, उडिसा, जम्मु तथा कश्मीरका स्वास्थ्यमन्त्रीसँग खोपको समीक्षाका लागि गरेको बैठकमा केन्द्र सरकारले आफ्ना नागरिकको स्वास्थ्य सुरक्षाका लागि महामारी विरुद्धको लडाइँमा लाग्न पनि भारतीय अधिकारीहरूलाई आग्रह गरेको छ । उनले केही समयदेखि भारतभरी संक्रमण दर बढेको र यसको दवाव स्वास्थ्य संस्थाहरूमा परिरहेको बताउँदै दबाबबीच महामारीविरुद्धको लडाईमा अग्रसर रहन स्वास्थ्यकर्मीहरूलाई पनि आग्रह गरे । उनका अनुसार भारतभर विगत २४ घण्टामा संक्रमणमुक्त हुनेको संख्या तीन लाख ५५ हजार ३ सय ३८ रहेको र संक्रमण पुष्टि भएकाको संख्या पनि सोही अनुपात अर्थात् तीन लाख ४८ हजार ४ सय १२ रहेको र यो संख्या आगामी हप्तामा क्रमशः घट्ने विश्वास व्यक्त गरे ।
ताजा अपडेट
-
सुनको मूल्य दुई हजारले बढ्यो, कतिमा हुँदैछ कारोबार ?
-
सूचना-प्रविधि क्षेत्रको विस्तारका निम्ति नवप्रवर्तन कोष स्थापना गर्ने प्रधानमन्त्रीको घोषणा
-
चितवनमा मोटरसाइकल दुर्घटना हुँदा दुई जनाको मृत्यु
-
पोखरा अन्तर्राष्ट्रिय विमानस्थल खुल्यो
-
रोनाल्डोको गोलको मद्दतमा अल नासरको सहज जित
प्रतिक्रिया