काठमाडौं । गृहमन्त्री एवं नेकपा नेता रामबहादुर थापा ‘बादल’ निर्मला पन्तका हत्यारा कानुनी पञ्जाको नजिक आइसकेको घोषणा गरेका छन् । विराटनगरमा आयोजित नेकपाको चुनावी सभामा बोल्दै थापाले बैतडीमा भागरथी भट्टका हत्यारालाई पक्राउ गरिएको उल्लेख गर्दै कञ्चनपुरमा बलात्कारपछि हत्या गरिएकी निर्मला पन्तका हत्यारा पनि कानुनी पञ्जाको नजिक आइसकेको दाबी गरेका हुन् । ‘निर्मला पन्तका हत्यारा कानुनको पन्जानजिक आइसकेको छ’ थापाले घोषणा गरे, ‘हामी अब छिट्टै कानुनी कठघरामा उभ्याउँछौं ।’ २०७५ साउन ११ मा कञ्चनपुरमा पन्तको बलात्कारपछि हत्या भएको थियो । तर, साढे दुई वर्ष बितिसक्दा पनि अझै दोषी पत्ता लाग्न सकेको छैन ।