काठमाडौं । नायिका प्रियंका कार्की अभिनित चलचित्र ‘लक्का जवान’ रिलिजको क्रममा छ । यो चलचित्र बाहेक उनलाई लकडाउनपछि कुनै पनि चलचित्रको अफर गएको छैन । तर, प्रियंका मिडियाको टाइमलाइटमा भने सधै अपडेटेड रहन्छिन् । उनै, नायिका आफ्नो जन्मदिन र बिहेको पहिलो उत्सव मनाउन माल्दिभ्स गएकी थिइन् । माल्दिभ्समा पुगेकी नायिका कार्की फेरि चर्चामा छिन् । यसपटक पनि उनको चर्चा आकर्षक पर्यटकीय स्थानमा रमाइलो मुडअनुसारको पहिरनकै कारणले भएको हो । नायिकाले सार्वजनिक गरेका विभिन्न तस्वीरमा उनी रमाइलो मुडमा प्रस्तुत भएकी छिन् । प्रियंका बसेको माल्दिभ्सको होटलले सार्वजनिक गरेको तस्वीरमा उनी हट अवतारमा देखिएकी छिन् ।