पिएसजीको मैदानमा म्यानचेस्टर सिटीको महत्वपूर्ण जित
च्याम्पियन्स लिग सेमिफाइनलको पहिलो लेगमा म्यानचेस्टर सिटीले पिएसजीमाथि महत्वपूर्ण जितसहित अग्रता लिएको छ । पहिलो हाफमा एक गोलले पछाडि परेको स्थितिमा पिएसजीको घरेलु मैदानमा सिटीले दोस्रो हाफमा महत्वपूर्ण दुई अवे गोल गरेको हो । खेलको पहिलो हाफको १५ औं मिनेटमा मार्किन्हसले पिएसजीका लागि गोल गरेका थिए । उनको गोलपछि पहिलो हाफमा गोल भएन । तर, खेलको ६४ औं मिनेटमा सिटीका लागि केभिन डे ब्रुएनेले बराबरी गोल फर्काए । ७१ औं मिनेटमा रियाद महरेजले पुनः गोल थप्दा सिटीले २–१ गोलको महत्वपूर्ण अग्रता बनायो । गोल खाएको ६ मिनेटलगत्तै पिएसजी १० खेलाडीमा सीमित हुन पुग्यो । गुआइले रेडकार्ड खाएपछि पिएसजी झन् दबाबमा पर्न पुग्यो । पिएसजीको मैदानमा सिटीले महत्वपूर्ण दुई गोल गरेर दबाब बढाएकाे छ । अब दोस्रो लेग आगामी मे ५ मा सिटीको मैदानमा हुनेछ ।
ताजा अपडेट
-
कांग्रेसले बोलायो केन्द्रीय कार्यसमिति र संसदीय दलको संयुक्त बैठक
-
वैशाख मसान्तसम्ममा ११ खर्ब ७७ अर्ब व्यापार घाटा
-
‘सभामुख पदमा आसिन व्यक्ति कुनै एक दलको इशारामा प्रयोग भयो’
-
कांग्रेसले आफ्नो भूमिकाबारे पुनर्विचार गर्नुपर्छ : उपाध्यक्ष पौडेल
-
सुर्खेत बस दुर्घटनामा दुई जनाको मृत्यु, २१ घाइते
प्रतिक्रिया