काठमाडौँ । पूर्व प्रधानमन्त्री तथा जसपाका अध्यक्ष बाबुराम भट्टराई उच्च ज्वरोको कारण अस्पताल भर्ना भएका छन् । फागुन २३ गते बस्ने प्रतिनिधिसभाको वैठकमा भाग लिन भट्टराईले बानेश्वरस्थित सिभिल अस्पताल पुगेर कोभिड–१९ विरुद्धको खोप लगाएका थिए । खोप लगाएपछि भट्टराईलाई जिउ दुख्ने, ज्वरो आउने समस्या बढ्दै आएको थियो । हिजो बेलुकादेखि आएको ज्वरो बढेर १०४ डिग्री फरेनहाइसम्म तापक्रम बढेपछि शिक्षण अस्पताल, महाराजगञ्जमा भर्ना भएका छन् । जसपा नेता गंगानारायण श्रेष्ठले भट्टराई भर्खरै अस्पताल भर्ना भएको नेपालवाचलाई जानकारी दिए । चिकित्सकहरुले कोभिड–१९ विरुद्धको खोप लगाउँदा उच्च ज्वरो आएमा चिकित्सकको सम्पर्कमा रहनु पर्ने सुझाव दिदै आएका छन् ।