काठमाडौं । ०७५ चैत २८ मा सरकारले नेत्रविक्रम चन्द नेतृत्वको नेकपालाई लगाएको प्रतिबन्ध बिहीबार फुकुवा गरेको छ । सरकार–विप्लव समूह वार्ताटोलीबीच बिहीबार भएको तीनबुँदे सहमतिपछि साँझ बसेको मन्त्रिपरिषद बैठकले सरकारले लगाएको विप्लव समूहमाथिको प्रतिबन्ध आजबाट हटाएको निर्णय सार्वजनिक गरेको हो । सरकारले विप्लव समूहलाई लगाएको प्रतिबन्ध हटाएसँगै गृह मन्त्रालयले देशका सबै जिल्लाकाल प्रशासन कार्यालयलाई परिपत्र गरेको छ । मन्त्रालयले प्रहरी प्रधान कार्यालयलाई पत्र लेखी प्रमुख जिल्ला अधिकारीले हेर्ने मुद्दामा प्रक्रिया पु¥याएर छाड्न र अन्य मुद्दाको हकमा जिल्ला सरकारी वकिलसँग समन्वय गर्न निर्देशन दिएको हो । गृह मन्त्रलायल स्रोतका अनुसार जिल्ला प्रशासन कार्यालयमार्फत चलेका करिब १७० जना विप्लव समूहका कार्यकर्तालाई भोलिसम्म रिहा गर्न परिपत्र गरेको हो ।