काठमाडौं । प्रधानमन्त्री केपी ओलीले नेपाल अब शान्तिपूर्ण युगमा प्रवेश गरेको बताएका छन् । नेत्रविक्रम चन्द नेतृत्वको नेकपासँगको सहमतिमा हस्ताक्षर कार्यक्रममा बोल्दै प्रधानमन्त्रीले नेपालबाट हिंसाको अन्त्य भएको बताएका छन् । ‘अब नेपाल अन्तिम किस्तामा शान्तिपूर्ण देश हो,’ कार्यक्रममा बोल्दै प्रधानमन्त्री ओलीले भने, ‘अब नेपालमा द्वन्द्व छैन, हिंसात्मक गतिविधि छैन, यहाँ शान्ति छ ।’ नेपाल यसअघि शान्तिपूर्ण देश रहेको उल्लेख गर्दै उनले अब देश अझ शान्तिपूर्ण बाटोमा प्रवेश गरेको बताए । ‘भरे बेलुका संयुक्त राष्ट्रसंघले मूल्यांकन ग¥यो भने कसरी गर्ला !’ ठट्यौली भावमा प्रधानमन्त्री ओलीले भने । शान्तिपूर्ण बाटोमा आउन विप्लवले गरेको योगदानप्रति प्रधानमन्त्री ओलीले धन्यवाद व्यक्त गरे । ‘विप्लवजीले जनताको मन जित्नुभएको छ,’ उनले भने ।