काठमाडौं । निवर्तमान नेकपाका प्रवक्ता नारायणकाजी श्रेष्ठले सबै कम्युनिष्ट शक्तिहरुलाई सचेत रहन आग्रह गरेका छन् । उनले दुई पार्टीहरुको एकताबाट निर्माण गरिएको एउटा राजनीतिक पार्टीको एकता भंग गरेर आ आफ्नो पुर्व पार्टीमा जान नेपालको सर्वोच्च अदालतले गरेको फैसलालाबारे चासो राख्दै सामाजिक सञ्चालमार्फत सबै कम्युनिष्ट शक्तिहरुलाई सचेत रहन आग्रह गरेका हुन् । ‘अझ मुख्य कुरा त ,यो राजनीतिक निर्णयको अर्थ ,सन्देश र परिणाम ज्यादै गम्भीर छ । सबै देशभक्त र कम्युनिष्ट शक्तिहरु सचेत होऔं,’ उनले सोमबार राति सामाजिक सञ्जाल फेसबुकमा लेखेका छन् ।