काठमाडौं । नेकपा एमालेका नेता एवम् पूर्वमन्त्री योगेश भट्टराईले प्रधानमन्त्री तथा पार्टी अध्यक्ष केपी शर्मा ओलीले एमालेमा सबैलाई समेट्न सक्नुपर्ने धारणा राखेका छन् । एमाले संसदीय दलको बैठकमा बोल्दै भट्टराईले प्रधानमन्त्रीको काँधमा देशको ठूलो अभिभारा रहेको बताउादै पार्टीलाई बलियो बनाएर ती जिम्मेवारी पुरा गर्नुपर्ने बताए । आफूहरु पार्टी र संसदीय दलको निर्णय मान्ने तर एकलौटी ढंगले बैठक आयोजना गर्न नहुने र त्यस्ता बैठकको निर्णय आधिकारिक नहुने बताएका छन् । ‘संसदीय दल, पार्टीको बैठक हामी पनि मान्छौं तर कुरा राख्ने मौका त दिनुपर्‍यो नि,’ भट्टराईले भने, ‘‘प्रधानमन्त्रीले चौडा छाती बनाएर पार्टीलाई एकतावद्ध बनाएर लैजानु पर्दछ ।’