सुर्खेत । कोरोना संक्रमणको दर बढ्दै गएपछि सुर्खेतमा पनि निषेधाज्ञा जारी गर्न सिफारिस गरिएको छ । जिल्ला प्रशासन कार्यालयमा बसेको कोभिड संकट व्यवस्थापन समितिको बैठकले भोलि(मंगलबार)देखि एक साताका लागि निषेधाज्ञा गराउने जिल्ला सुरक्षा समितिसमक्ष सिफारिस गरेको हो । वैशाख १४ गते राति १२ बजेदेखि लागू हुनेगरी एक साताका लागि निषेधाज्ञा जारी गर्र्न सिफारिस गरिएको सुर्खेतका प्रमुख जिल्ला अधिकारी छविलाल रिजालले जानकारी दिए । ‘भोलिदेखि जिल्लाभर एक साताका लागि निषेधाज्ञाको आदेश जारी गर्ने निर्णय भएको छ,’ उनले भने । उनका अनुसार कोरोना संक्रमणको दर सुर्खेतमा पनि नियन्त्रण बाहिर जाने अवस्था देखिएपछि तत्काल निषेधाज्ञा जारी गर्ने निर्णय भएको हो ।