अष्ट्रेलियाको भिक्टोरिया राज्यमा आगामी एक हप्ता लकडाउन
अष्ट्रलियाको राज्य भिक्टोरिया कोरोना महामारीको दोस्रो लहर फैलिरहँदा संक्रमणलाई नियन्त्रणका लागि दोस्रो हप्ता पनि लकडाउन हुने भएको छ । उक्त राज्यका अधिकारीहरुका अनुसार हाल मेलब्रन शहरमा कोरोनाको द्य।ज्ञ।टज्ञठ।ज्ञ भेरियन्ट फैलिरहेको छ । अष्ट्रेलियाको दोस्रो ठूलो शहर मेलब्रनमा नयाँ भेरियन्ट फैलिरहँदा आगामी १० जुनसम्म लकडाउन गर्ने घोषणा गरिएको छ । अधिकारीहरुका अनुसार बुधबार ६० जनामा संक्रमण देखिएको थियो । ‘अहिलेको अवस्थामा हामीले यस्तो सुचना नागरिकलाई सुनाउन चाहेका थिएनौं । तर, अवस्था यस्तै आएपछि लकडाउन गर्न बाध्य भएका छौं,’ भिक्टोरिया राज्यका कार्यकारी जेम्स मर्लिनोले बताए । उनले थप भने, ‘हामीले लकडाउन गरेनौं भने स्थिति नियन्त्रणबाट बाहिर जान्छ । यो नयाँ भेरियन्ट नियन्त्रण गर्न सक्ने अवस्थमा छैन् र मानिसको मृत्यु हुन्छ ।’ राज्य सरकारले लकडाउन गरेसँगै मेलब्रनमा आगामी सात दिनका लागि नागरिकलाई अत्यावश्यक काम बाहेक घर बाहिर निस्किन बन्देज लगाइएको छ । मेलब्रन बाहेकका शहरमा भने हाल निषेधाज्ञा लगाइएको छैन् । यी क्षेत्रमा निश्चित व्यापार व्यवसायलाई सञ्चालन गर्न त्यहाँको सरकारले अनुमति दिएको छ ।
प्रतिक्रिया