गत वर्ष जापानमा जन्म भएका बच्चाहरुको संख्या इतिहासकै सबैभन्दा कम भएको छ । शुक्रबार जापानको स्वास्थ्य मन्त्रालयले जारी गरेको सुचनामा गत वर्ष इतिहासमै सर्वाधिक कम जन्मदर देखिएको जनाएको छ । मन्त्रालयले जन्मदर कम भएकाले विवाह गर्न सन्तान जन्माउन समेत अनुरोध गरेको छ । जापानमा सन् २०२० मा ८ लाख ४० हजार ८ सय ३२ जनाको जन्म भएको छ । जुन अघिल्लो वर्षको तुलनामा २.८ प्रतिशत कम हो । मन्त्रालयले सन् १८९९ यता अभिलेखिकरण गरिएका जन्मदरहरुमध्येमा यो सबैभन्दा कम रहेको बताएको छ । कोरोना महामारीबीच सबै जना घरमा भएका कारण विश्वका अधिकांश क्षेत्रमा जन्मदर बढेको थियो । संयुक्त राज्य अमेरिकामा समेत महामारीबीच नै जन्म दर बढेको तथ्यांकले देखाएको थियो । तर, जापानमा भने यो अवधीमा पनि जन्मदर घटेको छ । मन्त्रालयले बताएअनुसार सन् २०२० मा जापानमा दर्ता भएका विवाहको १२.३ प्रतिशतले घटेर ५ लाख २५ हजार ४९० मा सिमित भएको छ । अर्कातिर, प्रजजन दर पनि हाल १.३४ रहेको छ, जुन विश्वकै सबैभन्दा कम प्रजनन दरमध्येमा पर्छ । जापान विगत केही वर्षयता जनसंख्यिकीय संंकट बडिरहेको छ । जन्मदर निरन्तर घट्नु र देशको जनसंख्यामा बृद्धहरुको संख्या बढ्नुले जापानमा सक्रिय जनसंख्याको संकट निम्याइरहेको छ । जनशक्ति अभाव भोग्नुपर्ने चिन्ताबीच रहेको जापानको जनसंख्या सन् २०१८ मा १२ करोड थियो, जुन सन् २०२० मा घटेर ८ करोड ८० लाखमा आइपुगेको छ । जापनको स्वास्थ्य मन्त्रालयका अनुसार हाल जापान ‘सुपर एज्ड’ देशमा परिणत भइसकेको छ, जहाँ देशको कुल जनसंख्याको २० प्रतिशतभन्दा बढि मानिस ६५ वर्षभन्दा माथि छन् ।