ओलीले गठन गरेको एमाले नयाँ स्थायी कमिटीमा महिला शून्य
काठमाडौं । आफ्नो समूह र माओवादीबाट आएका नेतालाई समेट्दै घोषणा गरिएको एमालेको नयाँ स्थायी कमिटीमा एकजना पनि महिला अटाएनन् । बालुवाटारमा बसेको दशौं राष्ट्रिय महाधिवेशन आयोजक कमिटीको बैठकले १८ सदस्यीय कमिटी घोषणा गर्दा एक जना पनि महिला नपरेका हुन् । एमालेमा बिन्दा पाण्डे, राधा ज्ञवाली, थममाया थापा, श्रीमाया थकालीसहितका महिला नेताहरु स्थायी कमिटीमा लागि दाबेदार थिए । तर, प्रधानमन्त्री एवं अध्यक्ष केपी ओलीले ईश्वर पोख्रेल, रामबहादुर थापा बादल, बिष्णु पौडेल, सुवास नेम्वाङ, शंकर पोखरेल, प्रदीप ज्ञवाली, लेखराज भट्ट, टोपबहादुर रायमाझी, मणि थापाा, सत्यनारायण मण्डल, बिष्णु रिमाल, छविलाल विश्वकर्मा, पृथ्वी सुब्बा गुरुङ, रघुबीर महाशेठ, केशब बडाल र पुष्प राज कडेंललाई मात्रै सहभागी गराएर नयाँ स्थायी कमिटी गठन गरेका हुन् । नयाँ स्थायी कमिटीमा माधव नेपाल पक्षका कुनै पनि नेताहरुलाई सहभागी गराइएको छैन । केही सदस्य थप्ने भनिए पनि तत्काललाई भने एक जना पनि महिला नपरेका हुन् ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया