बेपत्ता भएका जनमोर्चाका सांसद कोभिडवार्डको आईसीयूमा भेटिए
काठमाडौं । अविश्वास प्रस्तावमाथिको मतदानको तयारी चल्दै गर्दा हराएका गण्डकी प्रदेश जनमोर्चाका सांसद खिमविक्रम शाही अस्पतालमा भेटिएका छन् । प्रदेशसभा सदस्य शाही पोखरास्थित चरक अस्पतालको कोभिड वार्डको आईसीयूमा भेटिएका हुन् । उनीसँगै कांग्रेस प्रदेशसभा सदस्य मनकुमारी गुरुङ बुधबार बिहान अस्पतालमा भर्ना भएको अस्पतालका निर्देशक कपिल पोखरेलले बताए । प्रदेशसभा सचिवालयले गरेको पीसीआर टेष्टमा शाहीको रिपोर्ट नेगेटिभ आएको थियो । तर, अस्पतालमा पोजेटिभ रिपोर्ट देखाएर भर्ना भएको पोखरेलले बताए । मुख्यमन्त्री पृथ्वी सुब्बा गुरुङविरुद्ध दर्ता भएको अविश्वास प्रस्तावमा छलफलपछि मतदान गर्ने कार्यसूची रहेको थियो । तर, शाही बेपत्ता भएपछि आजको संसद बैठक नै स्थगित भएको छ । प्रदेशसभामा राष्ट्रिय जनमोर्चाकी सचेतक पियारी थापाले निवेदन दिँदै आफ्ना सांसदलाई सार्वजनिक नगरेसम्म संसद् बैठक रोक्न माग गरेकी थिइन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया