मिर्चैयामा अज्ञात समूहद्वारा गोली प्रहार, एक घाईते
जनकपुरधाम । अज्ञात समूहले सिरहाको मिर्चैया नगरपालिकामा एक जनामाथि गोली प्रहार गरेको छ । मिर्चैया नगरपालिका ५ का ४२ वर्षिय रामसागर साफीमाथि गोली प्रहार भएको इलाका प्रहरी कार्यालय मिर्चैयाले जनाएको छ । अज्ञात समूहले शनिबार साँझ ८ बजेतिर गोली प्रहार गरेको प्रहरीले जनाएको छ । अज्ञात समूहले चलाएको गोलीमध्ये एक गोली साफीको हातमा लागेको छ भने अर्को एक गोली तिघ्रामा लागेको ईलाका प्रहरी कार्यालय मिर्चैयाका डीएसपी राजेन्द्र श्रेष्ठले बताए । गोली लागेर घाईते साफीको मिर्चैयामा स्थानीय स्वास्थ्य संस्थामा उपचार भईरहेको छ । मिर्चैया बजारमै गोली प्रहार गरेको घटनामा संलग्न समूहको खोजीकार्य भईरहेको डिएसपी श्रेष्ठले बताए । गोली प्रहारको कारण खुल्न सकेको छैन् ।
ताजा अपडेट
-
पढ्ने रहर भएकालाई कसरी सहयोग गर्छ क्यानोपि नेपाल ?
-
डा. गोविन्द केसीले ताेडे अनसन
-
फिनल्यान्डले नेपाललाई १ अर्ब ८७ करोड अनुदान दिने
-
नेपाल चेम्बर र अर्मेनियाको चेम्बरबीच व्यापार एवं सूचना प्रविधिमा सहकार्य हुने
-
राष्ट्रिय बीमा कम्पनीको उपशाखा डोटीमा कृषि तथा पशुपन्छी बीमा अभिकर्ता तालिम सम्पन्न
प्रतिक्रिया