राउटे युवतीमाथि दुव्र्यवहार, मदिरा खुवाएर भिडियो बनाएपछि तीन जना पक्राउ
सुर्खेत । कर्णाली प्रदेशमा नेपालको एकमात्र फिरन्ते राउटे समुदायका युवतीलाई मदिरा खुवाएर होटेलमा भिडियो बनाउने होटेल सञ्चालकसहित तीन जनालाई सुर्खेत प्रहरीले पक्राउ गरेको छ । सुर्खेतको गुर्भाकोट नगरपालिकाका ३५ वर्षीय दोमनबहादुर घर्ती, २४ वर्षका भुपेन्द्र बुढा र २९ वर्षका होटल सञ्चालक विनोद पुनलाई शनिबार पक्राउ गरेको जिल्ला प्रहरी कार्यालयका डिएसपी एवं प्रवक्ता रामप्रसाद घर्तीले जानकारी दिए । उनका अनुसार कानुनी कारबाहीका लागि घटनाको थप अनुसन्धान भइरहेको छ । पुनको होटेलमा उनीसहित तीन जना युवाले राउटे समुदायका युवतीहरूलाई लिएर आफू अर्धनग्न बनेर ‘अस्लिल’ बोल्दै बनाएको भिडिओ सामाजिक सञ्जालमा अपलोड भएपछि पक्राउ गरिएको प्रहरीले जनाएको छ । ती युवाहरूले भिडियोमा जबरजस्ती युवतीलाई बोल्न लगाएका छन् । हाल राउटे समुदाय गुर्भाकोट नगरपालिका–११ आँपसोतीस्थित भेरी नदीको किनारामा ४६ घरधुरीका १४५ जना बसोबास गरिरहेका छन् ।
ताजा अपडेट
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगित आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
-
मेची भन्सारबाट एघार अर्ब भन्दा बढी राजस्व संकलन
-
मौद्रिक नीतिको प्रभावले सेयर बजारमा हरियाली
प्रतिक्रिया