म्यानमारमा सूचीविरुद्ध हालसम्मकै गम्भीर मुद्दा दायर, पुष्टि भएमा १५ वर्ष जेल
म्यानमारको सैन्य सरकारले नेतृ आङसाङ सूचीलाई हालसम्मकै सबैभन्दा ठूलो मुद्दा लगाइएको छ । उनीमाथि सैन्य सरकारले भ्रष्टाचारको मुद्दा लगाएको हो, जुन सूचीमाथि अहिलेसम्म लागेको मुद्दाहरुभन्दा गम्भिर रहेको छ । सूचीमाथि नगद र सुनमा घुस लिएको आरोप लगाएको छ । उनीमाथि लागेको आरोप पुष्टि भएमा १५ वर्षसम जेल सजाय हुने व्यवस्था म्यानमारमा रहेको छ । म्यानमारमा सैन्य शासन लागू भएपछि सूचीमाथि अन्य ६ किसिमका आरोपहरु पनि लागेका छन् । यीमुद्धाहरुमा उनले अवैध रुपमा वाकिटकी राखेको तथा सार्वजनिक अशान्ती फैलाएको आरोपहरु छन् । सूचीलाई गत फेब्रुअरी १ मा सत्तालाई सेनाले कब्जा गरेर कू गरेपछि नियन्त्रणमा लिएको थियो । नियन्त्रणमा लिए यता उनलाई केही पटक मात्रै सार्वजनिक रुपमा देखिएको छ । नियन्त्रणमा लिएयता उनी केही पटक अदालतमा उपस्थित हुँदा मात्रै देखिएकी छिन् । सेनाले सार्वजनिक गरेको विज्ञप्तीमा उनले ६ लाख अमेरिकी डलर बराबरको घुस लिएको र सातवटा सुन लिएको आरोप लगाइएको छ ।
ताजा अपडेट
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगित आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
-
मेची भन्सारबाट एघार अर्ब भन्दा बढी राजस्व संकलन
-
मौद्रिक नीतिको प्रभावले सेयर बजारमा हरियाली
प्रतिक्रिया