पोखरा । गण्डकी प्रदेशका मुख्यमन्त्री पृथ्वीसुब्बा गुरुङको र्‌यापिड एन्टिजिन परीक्षणको रिपोर्ट ‘पोजिटिभ’ आएको छ । स्रोतका अनुसार मुख्यमन्त्रीका स्वकीय सचिवलाई ३ दिनअगाडि कोरोना संक्रमण पुष्टि भएपछि मुख्यमन्त्रीको एन्टिजिन परीक्षण गरिएको थियो । संक्रमक तथा सरुवा रोग अस्पताल पोखराले एन्टिजिन परीक्षण रिपोर्ट पोजिटिभ आएको पुष्टि गरेको छ । उनको स्वाब संकलन भइसकेको तर पीसीआर परीक्षण रिपोर्ट भने आइनसकेको बताइएको छ । मुख्यमन्त्रीलाई मंगलबार साँझतिर ज्वरो आएपछि उनको एन्टिजिन परीक्षण गरिएको हो । त्यसअघि उनी एमालेको प्रदेश संसदीय दलको बैठकमा सहभागी भएका थिए । यस्तो छ रिपोर्ट :