संविधान संशोधनका लागि सरकारले बनायो पाँच सदस्यीय कार्यदल
काठमाडौं । संविधान संशोधनका लागि सरकारले पाँच सदस्यीय कार्यदल बनाएको छ । बिहीबार प्रधानमन्त्री निवास बालुवाटारमा बसेको मन्त्रिपरिषद् बैठकले सरकार र जसपा सम्मिलित कार्यदल बनाएको हो । जसमा सरकारका तर्फबाट तीन जना छन् भने जनता समाजवादी पार्टीका दुई जना रहेको जसपाका अध्यक्ष महन्थ ठाकुरले बताए । कार्यदलमा सरकारका तर्फबाट पूर्वमहान्यायाधीवक्ता अग्नि खरेल, एमाले सांसद कृष्णभक्त पोखरेल र प्रधानमन्त्री ओलीका प्रमुख राजनीतिक सल्लाहकार बिष्णु रिमाल छन् । यस्तै, जसपाबाट लक्ष्मणलाल कर्ण र सर्वेन्द्रनाथ शुक्ल छन् । नेता ठाकुरले नागरिकका विधेयकका विषयमा उक्त कार्यदलले महत्वपूर्ण काम गर्ने बर्ता । आफूहरुका माग र मुद्दाका विषयमा सम्बोधन गर्नका लागि उक्त कार्यदल बनाइएको ठाकुरको भनाइ छ । यसअघि बिहीबारै बसेको मन्त्रिपरिषद् बैठकले जसपाको मागबमोजिम जन्मसिद्ध नागरिकका सन्तानलाई आमाबाबु दुबै नेपाली भए वंशजका आधारमा नागरिकता लिन मिल्ने अध्यादेश ल्याएको थियो ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया