प्रधानमन्त्रीद्वारा राष्ट्रिय सरकारका लागि आह्वान
काठमाडाैं । प्रधानमन्त्री केपी शर्मा ओलीले राष्ट्रिय सरकार बनाउनका लागि सबै दलहरुलाई आह्वान गरेका छन् । प्रधानमन्त्री निवास बालुवाटारमा भएको पत्रकार सम्मेलनका क्रममा अहिलेको परिस्थितिसँग लड्न राष्ट्रिय सरकारको खाँचो रहेको बताएका छन् । उनले कि त वैकल्पिक सरकार बनाउन सबै दलहरु एक हुनुपर्ने नत्र भने आफ्नो नेतृत्वमा राष्ट्रिय सरकारमा सहभागी हुनपर्ने बताएका छन् । ‘म फेरि पनि आह्वान गर्छु । वैकल्पिक सरकार बनाउनुहोस् । सँधैको किचकिच होइन । वैकल्पिक सरकार बनेमा मेरो दल सहयोगी भावनाका साथ प्रस्तुत हुनेछ’, उनले भने, ‘सक्न्ुहुन्न भने मलाई समर्थन गर्नुहोस् । कि मलाई समर्थन गर्नुहोस् राष्ट्रिय सरकार बनाउँ ।’ उनले राष्ट्रिय सरकार निर्माण गरेर अहिलेको महामारीविरुद्ध लड्नुपर्ने बताएका छन् । राष्ट्रलाई यतिबेला तावनतर्फ नलैजान पनि आग्रह गरेका छन् । ‘कोभिडविरुद्ध संयुक्त युद्ध लडौं । सबै सहभागी होउँ । यस्तो बेलामा हामी सबै मिलेर महामारीविरुद्ध लडौं । राष्ट्र एकजुट भएर लडौं’, प्रधानमन्त्री ओलीले भने ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया